Сакате да станете подобра личност? Тогаш не се двоумете да читате книги, бидеќи според резутлатите од ново истражување направено во Лондон, редовното читање може да ве направи подобра и емпатична личност.
Емпатијата е значаен елемент од емоционалната интелигенција. Во истражувањето учествувале 123 учесници кои биле тестирани на различни полиња, меѓу другото и за тоа колку се грижат за чувствата на другите луѓе и дали им помагаат на оние кои им е потребна помош.
Истражувањето е направено од Универзитетот Кингстон во Лондон, а открива дека луѓето кои читаат книги се однесуваат во склад со социјално посакуваните манири во споредба со луѓето кои повеќе сакаат да гледаат телевизија или претстави. Исто така, истражувањето покажало дека љубителите на телевизија се помалку пријателски настроени и се зад читателите на книги кога станува збор за разбирањето на туѓите ставови.
Но, тоа не е така во случај на било која книга. Литературата што ја бираат луѓето е показател на емоционалната интелигенција. Љубителите на фикција повеќе покажуваат позитивно социјално однесување, додека читателите на драма и романтични романи искажуваат поголема емпатија. Љубителите на експерименталните книги искажуваат можност да ги согледуваат работите од различни перспективи, но на врвот на листата се оние на кои омилен книжевен жанр им е комедијата.
Според авторите на студијата, ова не е докажана причинско-последична врска туку може да значи дека погрижливите луѓе повеќе го сакаат читањето, пренесува Independent.