Леукемијата е малигно заболување кое има висока смртност бидејќи во повеќето случаи се открива предоцна.
Иако постојат симптоми, луѓето најчесто ги припишуваат на помалку опасни состојби како стрес, замор или исцрпеност. Според клиниката Мајо, одредени предупредувачки знаци се појавуваат на самиот почеток и не треба ни случајно да се игнорираат.
Постојат многу видови на леукемија. Некои форми на леукемија се почести кај децата, додека други главно се јавуваат кај возрасните. Кај луѓето со леукемија, коскената срцевина произведува прекумерна количина на абнормални бели крвни зрнца кои не функционираат правилно.
Што се однесува до симптомите, лекарите предупредуваат дека тие варираат од личност до личност, но зависат и од самиот тип на леукемија.
Вообичаените симптоми на леукемија вклучуваат:
- покачена температура
- хроничен замор или слабост
- чести инфекции кои не поминуваат долго време или упорно се враќаат
- ненадејно губење на тежината
- склоност кон модринки
- чести крварења од носот
- мали црвени дамки на кожата (петехии)
- зголемено потење, особено ноќе
- болки во коските.
