Кардиф, 28 септември 2019 (МИА) – Натпреварот помеѓу велшките премиерлигашки клубови Кардиф мет јуниверсити и Друидс, не се одигра, бидејќи тимовите не можеа да се договорат во какви дресови ќе настапат.
Гостите на стадион дојдоа со нивните резервни црвени дресови (дома играат со црно-бели) и не го земаа предвид фактот дека и домашните имаат дресови со темна нијанса на црвената боја. Така, наместо да се игра официјален меч, фудбалерите на Кардиф си додаваа со собирачите на топки, а потоа си заминаа дома.
Овој одложен меч ќе се игра на 23 ноември, а двата клуба изразија жалење што дошло до едно вакво недоразбирање.
