Неделна програма Cineplexx 07.12. – 12.12.2017

„Мечето Падингтон“ се враќа на големото платно!

По големиот хит на „Падингтон“, најуспешниот неамерикански семеен филм, во долго очекуваното продолжение мечето Падингтон сега живее среќно со семејството Браун во Лондон, каде постанува популарен член на локалната заедница, ширејќи среќа и делејќи мармалад каде и да отиде. Додека е во потрага по совршениот подарок за стотиот роденден на омилената тетка Луси, Падингтон ја наоѓа единствената pop-up книга во продавницата на господин Грубер и почнува да работи како би можел да ја купи со сопствени пари. Но кога книгата ќе биде украдена, токму Падингтон и семејството Браун ќе мораат да откријат кој е крадецот...

„Мечето Падингтон 2“ е продолжение на хитот од 2014 година, базиран на меѓународниот бестселер на британскиот писател, покојниот Мајкл Бонд. Мечето за прв пат оживеа во Бондовата книга за деца од 1958 година „Мечето со име Падингтон“. Последниот роман на познатиот Падингтонов автор, кој почина оваа година на 91 година, беше издаден во јануари 2017. Бонд напиша вкупно повеќе од дваесет романи за мечето кое постојано носи капут и обожава сендвичи со мармалад, кои се продадени во повеќе од 35 милиони примероци ширум светот и преведени на 40 јазици. Авантурите на мечето од Перу, чии совршени манири и добри намери често го доведуваат до хумористични незгоди и моменти на општ хаос, ги освоија срцата на читателите низ целиот свет, а приказните за него денес се познати како модерни детски класици.

На крајот на првиот филм, истоименото мече се чини дека е многу задоволен со својот живот и домот на кровот на куќата на Браунови, уживајќи во снежната битка со своето ново семејство. Тоа беше одличен крај. Но и не баш одличен почеток, открива режисерот Пол Кинг. „Случајно го напишавме совршениот крај, а не почеток на другото поглавје!“, со насмевка вели Кинг. Меѓутоа не требало да започне од нешто сосема ново. „Имавме многу идеи кои никогаш не влегоа во првиот дел бидејќи секогаш ни се чинеше како да припаѓаат во продолжението, а не во филм за почетоците. Секогаш мислевме колку ќе биде забавно да го гледаме Падингтон како работи“, вели Кинг, „бидејќи вдахнува толкава добрина и би било многу интересно да го гледаме како постанува жртва на неправдата.“