Неделна програма Cineplexx 12.10. - 18.10.2017

Четири нови наслови оваа недела во Cineplexx

Снешко

Мајкл Фасбендер („Икс Мен“), Ребека Фергусон („Невозможна Мисија - Одметници“), Шарлот Гејнсбург („Ден на независност: Нова закана“), Вал Килмер (“Врелина”) и оскаровецот Џеј Кеј Симонс („Ритам на лудилото “) глумат во филмот „Снешко“, застрашувачки трилер на режисерот Томас Алфредсон („Нека влезе вистинскиот “), базиран на светскиот бестселер на Ју Несбе. Кога главниот детектив на елитен криминалистички оддел (Фасбендер) ќе почне да го истражува исчезнувањето на жртвите на првиот снежен ден, ќе биде шокиран од помислата дека недостижниот сериски убиец е повторно активен. Полицаец ќе мора да поврзе со децении стари нерешени случаи со новите брутални, ако сака да го надмудри ова незамисливо зло пред повторно да падне снегот.

S.M.A.R.T. потера

Агент од приватно обезбедување кој треба да изнесе скапоцен кинески артефакт од Шангај, но на патот го чека заседа. Кога група крадци ќе ја лоцира пратката, агентот и жената која ја сака се доведени во опасност. Како би ги спасил двaјцата и успеал да ја сочува пратката, агентот мора да ги надмудри крадците а истовремено да ја избегне шангајската полиција.

Ана Каренина: Сеќавањата на Вронски

Дејствието на филмот се одвива во време на руско-јапонската војна, во Манџурија. Главниот хирург на руската војна болница им ги спасува животите на неколку ранети официри, помеѓу нив и на грофот Вронски. Откако ќе го дознае неговиот идентитет, оди во болничкиот стационар каде му соопштува дека суровата игра на судбината придонела баш тој да му го спаси животот, бидејки токму грофот го смета виновен за трагедијата на неговото семејство. “Моето име е Сергеј Каренин господине Вронски, син единец на Ана Каренина“. Без гаење на никакви илузии и не барајки одговори, младиот Каренин директно му го поставува на Вронски прашањето кое го мачи целиот живот: што ја натерало неговата мајка на кобниот чин? После кратко двоумење Вронски одлучува да ја раскаже својата приказна за трагичната љубов со Ана Каренина. Вронски се навраќа во минатото, и со синот на Ана ги споделува сеќавањата на кои е заложник триесет години, забележувајки дека луѓето се сеќаваат само на она на што сакаат да се сеќаваат.

Кога денот немаше име

Овој филм ја раскажува приказната за шест тинејџери. Милан и неговиот најдобар пријател Петар подготвуваат авантуристичка екскурзија со своите другари некаде на периферијата на Скопје. Тие се возбудени од претстојната ноќ на пиење и лудување пред раноутринската риболовна експедиција. Тие се типични тинејџери, полни со сексуални и романтични тензии и возбуда, вознемирени и оптеретени со пари и материјални нешта. Понекогаш се ѓаволести, понекогаш и ангелски; гладни за да бидат возрасни, а сепак со детско однесување. Во дисфункционални односи со своите родители, во семејства нарушени од транзициските маки, тие се генерација која расте растргната од социјална несигурност и сомнителни вредности. Нивната ноќ на луда забава е одбележана со несреќна посета на тинејџерка проститутка и целосно е превртена со ненадеен конфликт...

КИНО ПРОГРАМА (12.10.2017-18.10.2017)

Истребувач 2049 3Д

Секој ден: 16:00, 19:20, 22:15

Викенд: 13:00, 16:00, 19:15, 22:15

Истребувач 2049 2Д

Секој ден: 18:00, 21:15

Викенд: 14:00, 17:50, 21:15

Кога денот немаше име 2Д

Секој ден: 17:30, 19:45, 21:30

Ана каренина Сеќавањата на Вронски 2Д

Секој ден: 15:15, 18:40, 21:30

Викенд: 12:00, 15:15, 21:45