Очекувано, натпреварот помеѓу Србија и Швајцарија од 3. коло од групната фаза на Мундијалот во Катар предизвика голема тензија на теренот меѓу играчите на овие две селекции, а посебно внимание привлекоа потезите на Душан Влаховиќ и Гранит Џака.
Откако Влаховиќ постигна гол за пресврт на Србија и водство од 2:1, за време на прославата се фати за меѓуножјето и, според новинарите кои беа на стадионот, се сврте кон српските навивачи, веројатно поради неодамнешната афера што ја потресе оваа репрезентација. и сексуалниот скандал во кој се „вмешани бројни репрезентативци и нивните сопруги“.
Тоа беше негов одговор на сите шпекулации, иако на почетокот се чинеше дека ги провоцира навивачите на Швајцарија, тоа на крајот не беше случај.
Во вториот дел, кога Швајцарија водеше со 3:2 во 65. минута, дојде до конфликт меѓу швајцарските фудбалери и српските фудбалери кои седеа на клупата за резервни играчи, а во таа прилика го навредуваа Гранит Џака, кој не им остана должен.
Играчот од средниот ред на Арсенал се сврте кон српските играчи и исто како и Влаховиќ се фати за меѓуножјето. Џака во таа прилика ги пцуеше Србите на албански јазик, што особено ги испровоцира.
И после тоа Џака во една прилика влезе во конфликт со играчите на Србија, но на крајот сè се смири и натпреварот дојде до крај, а место во нокаут фазата обезбеди репрезентацијата на Швајцарија која ќе игра против Португалија.