Режисерот Рајан Џонсон откри еден многу интересен детаљ поврзан со iPhone уредите.
Холивудскиот режисер Рајан Џонсон, кој најверојатно ви е познат по филмот „Star Wars: The Last Jedi“, минатата година доби големи пофалби од критичарите за филмот „Knives Out“.
Vanity Fair направи интервју со режисерот во кое тој откри некои детали за снимањето на филмот, за тоа како се случува убиство во нефункционално семејство. Во филмот има одлична актерска екипа од славни актери како Даниел Крег, Крис Еванс, Џејми Ли Кертис, Дон Џонсон и Кристофер Пламер.
Во дел од разговорот во интервјуто Џонсон зборува за сцена во која актерката Џејми Ли Кертис во рацете држи iPhone и вели дека Apple дозволува во филмовите да се користат нивни телефони, но забранува со нив да се користат негативците.
Исто така вели дека тоа им е познато на сите режисери во Холивуд, што значи дека во ниту еден филм нема да видите негативец како разговара на iPhone, бидејќи Apple секогаш сака да остави впечаток дека нивните уреди ги користат само добрите ликови.