Тројцата позитивни на денешните резултати од тестирањето во ПСЖ се Нејмар, Ди Марија и Паредес, откриваат француските медиуми.
Подготовките на ПСЖ за новата сезона се прекинати откако тројца фудбалери излегоа позитивни на тестирањето за COVID-19.
ПСЖ потврди дека има тројца позитивни без да наведе за кои фудбалери станува збор, но француските медиуми откриваат дека се работи за Нејмар, Анхел Ди Марија и Леандро Паредес.
Новата сезона во Франција веќе почна, но ПСЖ, поради финалето во Лигата на шампионите, ќе ја почне тек на 10 септември. Поради новонастанатата ситуација, сега и тој воведен натпревар со Ланс е под знак прашање.
