Манекенката со хрватско потекло Наталија Барулич и бразилскиот фудбалер Нејмар се појавија заедно на насловната страница на руското издание на списанието GQ и со тоа официјално потврдија дека се во врска.
Иако веќе некое време објавуваат заеднички фотографии, славната двојка досега не зборуваше за својата врска.
„Хероите на јунското издание, Нејмар и Наталија Барулич, потсетуваат колку е важно да ги поддржувате и заштитите своите најблиски. Не важно дали треба да седите во самоизолација во четири ѕида или морате да комуницирате само преку телефон. Чувајте се, бидете силни“, порачаа од списанието.
На објавената фотографија Наталија (28) го прегрнува Нејмар, а манекенката во својата објава на Instagram напиша „Бони и Клајд“.
Првите шпекулации за нивната врска почнаа откако Наталија му го честиташе роденденот на Нејмар (28) со нивна заедничка фотографија и му напиша емотивна порака: „Сите знаат колку си неверојатно талентиран, но само кога би знаеле колку си вистински и прекрасен и во срцето. Те почитувам“.
Наталија е поранешна балерина, а како манекенка и модел ги красела насловните страници на Maxim, Esquire и L’Officiel и годинава беше дел од кампањата на GUESS. Родена е во Калифорнија, а е ќерка на угледен хрватски бизнисмен, според шпански People.
