После кавгата со Кавани за тоа кој да дојде до топката за време на натпреварот против Лион, бразилскиот фудбалер Нејмар упати извинување кон своите соиграчи.
Нејмар ја побара топката од Кавани за да го изведе досудениот пенал за ПСЖ, но Уругваецот не му дозволи и сам ја изведе најстрогата казна.
Голманот на Лион го одбрани овој удар, а нешто подоцна кога беше досуден слободен удар, Кавани повторно сакаше да биде изведувач пред Нејмар.
Меѓутоа, во целата оваа ситуација се вмеша Дани Алвеш, кој му ја даде топката на Нејмар.
После натпреварот дојде до инцидент во соблекувалната меѓу Кавани и Нејмар, а тоа го потврди и тренерот на тимот Унаи Емери.
Меѓутоа, Нејмар јавно му се извини на Кавани и на соиграчите, а капитенот на ПСЖ Тијаго Силва, бил тој кој му помогнал на својот сонародник да побара извинување од тимот.
