Бразилскиот фудбалер Нејмар одговараше на прашањата на обожавателите на Instagram во „рубриката“ Точно-неточно што беше хит на социјалната мрежа деновиве.
Благодарение на тоа, неговите обожаватели можеа малку повеќе да го запознаат својот идол и имаше прашања од секаков вид - од спортски до лични.
Сепак, вниманието го привлече одговорот на Нејмар на прашањето „ќе ни донесеш ли шеста титула?“ (се однесува на Мундијалот 2022), а напаѓачот на ПСЖ без двоумење одговори со „Точно“, додавајќи дека тоа е неговиот „најголем сон“ во живот.
Нејмар досега учествуваше на два Мундијала, во 2014 и 2018 година, кога Бразил беше елиминиран во полуфиналето, односно четвртфиналето, а интересно е што беше повреден и во двата случаја.
Во дресот на родната земја досега има одиграно 103 натпревари и постигнато 64 погодоци. Ја нема освоено ниту Копа Америка со националниот тим со кој има една титула, онаа од Купот на конфедерациите во 2013 година.
