Напаѓачот на ПСЖ, Нејмар најави дека ќе го продолжи договорот со парискиот клуб.
– Ситуацијата со договорот веќе не е проблем. Се чувствувам многу убаво во ПСЖ, исто како дома. Тука сум посреќен од кога било, го цитира ESPN Нејмар.
Дваесет и деветгодишниот Бразилец игра за Пари Сен-Жермен од летото 2017 година. Во сезоната 2020/21, тој одигра 22 натпревара за тимот, постигна 13 голови и осум асистенции.
Актуелниот договор на фудбалерот со францускиот клуб важи до крајот на јуни 2022 година.
