Нејмар преку Бразилците во Реал му прави сопки на Мбапе: Со него е пекол

Француски новинар тврди дека Нејмар разговарал со соиграчите од бразилската репрезентација и ги предупредил за соработка со Килјан Мбапе.

Францускиот новинар Силир Хануна во гостување на радиото Europe 1 зборуваше за заладените односи меѓу Килјан Мбапе и Нејмар. Веќе е познато дека Французинот и Бразилецот не беа најдобри пријатели кога делеа соблекувална во ПСЖ, а самиот Мбапе ја опиша нивната комуникација како „топло-ладно“.

Силир Хануна изјави дека Нејмар остварил контакт со Бразилците кои играат за Реал Мадрид. Наводно ги контактирал Винисиус, Родриго и Едер Милитао и им објаснил како изгледа соработката со Мбапе - според Хануна, искуството било катастрофално.

„Бразилците во Реал се пријатели со Нејмар. Секогаш имаше војна помеѓу Нејмар и Мбапе. Нејмар рече дека тоа е катастрофално, вистински пекол“, рече Хануна.

Нејмар и Мбапе заедно одиграа 136 натпревари и постигнаа вкупно 54 голови во периодот од 2017 до 2023 година. Потоа Бразилецот се пресели во Саудиска Арабија и сега го носи дресот на Ал Хилал. Мбапе претходно го одби предлогот да игра за Реал Мадрид во 2022 година, но ова лето се согласи и премина во редовите на Кралскиот клуб.

Капитенот на Франција одлично се снајде во новата средина и веќе има 4 гола од 6 натпревари, а судејќи по тоа како се разбира со соиграчите, Силир Хануна не згреши.