Бразилската ѕвезда Нејмар, покрај тоа што одлично игра со нога на фудбалските терени, тој е прилично успешен и на покер турнирите.
Имено, Нејмар се најде на турнир на Бразилската серија (BSOP), каде освои 21.470 долари, стигнувајќи до финалниот круг.
Напаѓачот на ПСЖ имаше депозит од 1.877 долари и успеа да го зголеми во конкуренција со 228 играчи.
„Многу сум среќен што стигнав до финалната рунда. Тоа беше одлично искуство за мене. Конкуренцијата беше пеколна“, рече Нејмар.
Бразилецот на паузите беше исклучително среќен, па им делеше автограми на навивачите, а успеа и да се фотографира со некои од нив.
Инаку, на крајот победата ја однесе Бразилецот Афиф Прадо, кој освои 317.800 долари, а втор беше Чилеанецот Оскар Алаше со освоени 250.000 долари.