Американската актерка Деми Мур беше дел од виртуелната ревија на модната куќа Fendi, но нејзиното појавување на пистата непријатно ги изненади сите кои ја следеа ревијата за колекцијата пролет/лето 2021 на дијзанерот Ким Џонс.
Холивудската актерка изгледаше сосема непрепознатливо, нејзиното лице изобличено и „замрзнато“, а корисниците на социјалните мрежи се сложни во тоа дека некогаш една од најубавите жено во филмската индустрија е обезличена од непотребни естетски потфати.
„Шокиран сум, едноставно таа не изгледа добро. И понатаму не можам да сфатам дали е тоа пластика или шминкерот згрешил некаде. Срамота. Зошто жените се лишуваат од грациозно стареење? Па толку се попривлечни кога се природни, сите знаат дека експериментите со лицето никогаш не завршуваат добро. Ова не е Деми Мур, не е можно, некогаш беше преубава. Ова е самоуништување, болна несигурност, целосен недостаток на самодоверба“, се само дел од коментарите на социјалните мрежи, пренесе Daily Mail.
Ова не е прво соочување на 58-годишната Деми со естетски корекции. Пред скоро 20 години медиумите пишуваа дека потрошила околу 250.000 долари за целосно да ги промени лицето и телото пред снимањето на филмот „Charlie’s Angels“. Но, таа во 2007 година тврдеше дека никогаш не направила пластична операција.
Во интервју од 2019 година изјави дека го прифаќа природниот процес на стареење иако има моменти кога не може да се препознае себеси во огледало.