Роман Павличенко пред 10 години важеше за еден од најдобрите фудбалери во Русија. Беше дел од Тотенхем, како и од локалните великани Спартак Москва и Локомотив Москва. Сега, има 39 години и игра за третолигашот Знамја Ногинск.
Тамошните медиуми пренесуваат дека Павличенко е во длабоки финансиски проблеми, кои покрај оние од алкохол и коцка, му го загорчуваат животот.
Според пишувањата, Павличенко е тужен и тоа за неплатени сметки за струја и за вода.
Станува збор за износ од околу 400 евра и сето ова делува малку неверојатно, кога ќе се земе во обѕир дека фудбалерот претходно заработуваше милиони.
Павличенко играше во Спартак од 2003 година до 2008, па играше четири сезони во Тотенхем. За руската репрезентација постигна 21 гол на 51 натпревар.