Фудбал

Некогаш член на Јувентус и Бенфика, денес осуден на затворска казна

21. октомври 2017 - 11:30 | Макфакс

Еден од најдобрите италијански напаѓачи во последните две децении, Фабрицио Миколи го допре дното, откако беше осуден на затворска казна поради криминални активности.

Мајсторот на фудбалската игра, кој профи кариерата ја заврши во 2015 година, поради изнуда на пари е осуден на затворска казна во времетраење од три и пол години.

Миколи заедно со пријателот Мауро Лауричело, кој е син на еден од шефовите на мафијата Антонио Лауричело, од сопственик на локална дискотека изнудил 12.000 евра.

Миколи бидејќи користел насилнички методи е осуден на три и пол години, а неговиот пријател ќе одлежи една година.

Миколи во кариерата играл за Милан, Часанаро, Тернана, Јувентус, Перуџа, Фиорентина, Бенфика, Палермо, Лече и Биркиркара. Беше дел од славната генерација на Јувентус во која играа Дел Пјеро, Недвед, Трезеге, Буфон.

Најдобар период во кариерата му беше од 2007 до 2013 година кога го носеше дресот на Палермо (165 натпревари, 74 гола). Миколи има и десет настапи за најдобрата италијанска селекција.

Коментирај