Холивудскиот актер Били Зејн е познат по многу улоги, но најмногу препознатлив е по улогата во „Titanic“ каде глумеше расипан тајкун кој сакаше да се ожени со Роуз (улога што ја толкуваше Кејт Винслет). Потоа сними низа филмови, но ниту со еден не постигна сличен успех.
„На секој актер му е сон да биде дел од таков прекрасен филм, тоа беше благослов. Но, во исто време познато е дека во Холивуд ретко кој ризикува. Сите одат на сигурно бидејќи станува збор за големи пари. Затоа, кога одите на аудиција знаете каков тип на актер бара продуцентот. Јас од тогаш станав синоним за лошо момче, негативец. Таквата ситуација на крајот ќе ве натера да станете покреативен, да снимате независни, но и сопствени филмови“, изјави Зејн во една прилика.
Иако го памтиме како холивудски заводник, годините му донесоа промени во имиџот. Обожавателките лудуваа по неговиот изглед и заводнички поглед. Актерот прилично се промени оттогаш и веќе не е заводникот што беше.
Остарен е, го изгуби препознатливото лице, погледот, тешко дека би го препознаеле, а да не знаете дека е тој.
Зејн има две ќерки со 34-годишната манекенка Кендис Нил. За време на пандемијата се посвети на сликањето кое отсекогаш му било голема страст.
