Бебињата и малите деца се речиси незамисливи без цуцла. Сепак, иако многу родители ги користат за да ги смират своите деца и да му пружат своевидна удобност на детето, експертите сѐ почесто ги наведуваат последиците што може да ги предизвика честото користење на цуцла.
Некои од последиците може да бидат деформација на непцата и каснување, неправилна положба на јазикот или различен начин на голтање, што на крајот може да доведе до потешкотии со говорот. Затоа е важно да се запознаете со методите кои можат да му помогнат на вашето дете да се одвикне.
Така, според WebMD, еден од најдобрите начини е постепено ограничување на употребата на цуцли. Најдобро би било да му дадете на вашето дете цуцла само кога ќе спие.
Исто така, подобро е да користите пофалби наместо критики. Пофалете го вашето дете кога не носи цуцла, цртајќи му ѕвездичка на рачето или на некоја хартија.
Она што е важно да се напомене е дека многу деца од досада посегнуваат по цуцлата. Затоа, најдобро е ако ги окупирате со други работи. Подарете им играчки што ги сакаат или смислете некои едукативни и забавни игри за да им го одвлечете вниманието.
Кога ќе дојде време целосно да отфрли цуцлата, користете некои други смирувачки методи како што нишање кога ќе се обиде да заспие или да им раскажете приказна за тоа како цуцлата треба да оди на друго место. Децата ја сакаат креативноста, а идејата „да ја оддалечат цуцлата“ може да им помогне полесно да се збогуваат со неа.
Важно е да бидете трпеливи при одвикнувањето и да ги информирате оние кои секојдневно доаѓаат во контакт со вашето дете. Конечно, важно е и времето кога ќе го започнете овој процес. Не му одрекувајте на детето цуцла кога на пример е во тежок период, како на пр. ако се селите, сте добиле уште едно бебе, детето започнува во градинка или училиште и други промени кои можат да бидат збунувачки за детето.
