Љубителите на астрономијата наскоро ќе имаат можност да погледнат вистински небесен спектакл.
Древна комета која не била видена во близина на Земјата илјадници години наскоро ќе намине во нашиот дел од галактичката вселена.
Се очекува кон крајот на април кометата да стане блескава како ѕвезда слична на Големата Мечка, а тоа значи и видлива со голо око.
Људмила Кошман, астроном при Московскиот планетариум, објаснува дека кометата C/2019I4 Atlas, чие јадро содржи отровно хемиско соединение наречено цијаноген, последен пат го посетила нашиот Сончев Систем во четвртиот милениум пред н.е. кога во Египет се граделе големите пирамиди.
Ова најверојатно ќе биде најсјајната појава на нашето небо во изминативе седум години. Поради соларниот ветер кометата ќе развие две опашки – едната гасовита, а другата од прашина – кои ќе ѝ дадат особено спектакуларен изглед, вели Кошман.
Таа додава дека на 27 мај кометата ќе помине во близина на Земјата на оддалеченост од околу 117 милиони километри, а на 31 мај ќе се доближи до Сонцето на оддалеченост од околу 38 милиони километри, што е помалку од растојанието меѓу Сонцето и Меркур – планета која е најблиску до срцето на нашиот Сончев систем.
Кошман исто така вели дека зеленкастата нијанса на кометата е производ на цијаногенот што се наоѓа во нејзиното јадро и таа станува флуоросцентна кога е погодена од УВ зрачење.
