Исцелителната моќ на музиката и е позната на научниците, а нејзиното благородно дејство понекогаш е навистина неверојатно.
Музиката на различни начини делува на нашиот мозок и нашето тело ( во позитивна смисла), па во прилог прочитајте како тоа се демонстрира.
Музиката може веднаш да ви го поправи расположението
Слушањето на музика кога сте нерасположени може да биде вистински лек за вас. Истражување од 2013 година покажало дека слушањето на една единствена песна може да ја намали анксиозноста за дури 70 отсто.
Слушањето на музика го зголемува лачењето на допамин.
Допаминот е хемиски хормон кој го создава нашето тело. Без него се чувствуваме изморени, депресивни и постојано нерасположени. Со повисока доза на допамин, ние имаме поголема желба за живот, поголема мотивација и нашиот мозок работи многу подобро. Во превод – допаминот не прави паметни, енергични и среќни, а музиката ни помага да го зголемиме неговото количество во нашето тело.
Нивното на окситоцин е повисоко кај музичарите и они кои слушаат музика.
Окситоцин, уште познат како „хормон на љубовта“ е хормон кој го произведува нашето тело кога водиме љубов или кога гледаме или слушаме нешто што го сакаме. Окситоцинот е хормон кој ни помага да се поврземе со другите луѓе и да создадеме поголемо чувство на емпатија и музиката ни помага да го креираме во мозокот и телото.
Музиката не прави попаметни на повеќе начини
Музиката зголемува посебна когнитивна функционалност, како на пример можноста да учиме побргу јазици, го зголемува нашето IQ, ја подобрува краткорочната меморија и дури и помага на луѓето да бидат подобри во одредени полиња како хемија, математика, компјутерска технологија и друго.
Музиката исто така помага во вршење на повеќе функции истовремено, подобар однос со останатите и способност да донесуваме подобри одлуки кога имаме одредени проблеми.
