Можеби ги употребувате оревите само како состојка за колачи, но тие се идеални за ужинка или како додаток за салати и хумус.
Освен што се вкусни, полни се со хранливи состојки, па затоа треба да ги додадете во вашата секојдневна исхрана.
Седум ореви содржат 18 г здрави масти, 4 г протеини, 2 г влакна, скоро 50 отсто од препорачаниот внес на манган, како и помали количини на магнезиум, железо, калциум и витамин Б.
Истражувањата покажуваат дека оревите го подобруваат здравјето на срцето – го намалуваат холестеролот и високиот крвен притисок.
Оревите го чуваат и здравјето на мозокот, а освен наведените предности, консумирањето ореви го намалува чувството на глад и го регулира апетитот.
