Ако имате силни болки во главата, пред да одите на преглед кај доктор, кој ќе ви ја препише адекватната терапија, можете да се послужите со овие трикови. Станува збор за природни методи, кои можат да ви ја ублажат болката.
Одете во мрачна и мирна соба
Докторката Сузан Хучинсон за сајтот „Hello Giggles“, вели дека ако почувствувате појава на мигрени, најдобро е да одите во мирна, мрачна соба и да се одморите. Дополнителен совет е да легнете и да ставите мраз на вратот или челото.
Напијте се голема чашка вода
Докторката објаснува дека пиењето на течности е од големо значење за спречување на мигрена. Во моментот кога ќе почувствувате дека се појавува мигрена, веднаш наполнете си голема чашка со вода, посебно ако вашата уста е сува или времето е премногу топло.
Одете на масажа
Со масажа на главата исто така може да се отстранат болките кои ги предизвикува мигрената.
„Само одберете метод кој е малку понежен, во однос на вибрационите масажи и притисоци. Ова посебно важи за пределот на главата и вратот, бидејќи силната масажа може да ја ги влоши симптомите“, истакнува Сузан.
Пијте чај од ѓумбир
Ребека Ли, регистрирана медицинска сестра препорачува домашен чај од ѓумбир во случај на мигрена.
„Ѓумбирот содржи повеќе од 200 моќни супстанции и веќе 2.000 годни се користи во исхраната“, изјави таа за „Hello Giggles“.
Во многу ситуации ѓумбирот ги смирува контракциите на мускулите и воспалувањата, што е одлична комбинација во борбата против мигрената.