Киноата е хранливо зрно кое има многу здравствени придобивки. Познато е како житарица без глутен, која е основа на медитеранската исхрана и одличен извор на растителни протеини.
Една од славните личности која ја вклучила во исхраната е Џенифер Анистон, која тврди дека често подготвува салати со киноа, што ѝ помага да ја одржува фигурата витка, а кожата да ѝ блеска.
Киноата содржи многу витамини и минерали, па затоа е идеална храна за веганите и вегетаријанците. Според истражувањата, влакната од киноа помагаат во одржување на телесната тежина и здравјето на дигестивниот систем.
Покрај тоа, киноата е исклучително корисна за кожата бидејќи содржи витамини А и Б2 кои го поддржуваат здравјето на кожата, очите и нервниот систем. Киноата исто така е богата со рибофлавин, кој ја подобрува еластичноста на кожата и може да биде корисен за луѓето склони кон акни, а витаминот А придонесува за посветла кожа и намалување на брчките.
Исто така, киноата е корисна за спречување на анемија бидејќи има многу железо и содржи елементи кои го штитат здравјето на срцето. Важен извор е на омега-3 масни киселини, а содржи и фолати, манган, тиамин, бакар, магнезиум, фосфор и калиум, кои се неопходни за целиот организам.
