Одржувањето на здравјето на мозокот е клучно за квалитетот на животот, а едноставната физичка активност е еден од најефикасните начини за зајакнување на когнитивната функција и емоционалната активност.
„Физичката активност може да ги тренира областите на мозокот кои се одговорни за решавање проблеми, координација и меморија“, вели физиологот д-р Милица МекДауел за Parade.
Таа објаснува дека сложените обрасци за вежбање, како голф или пинг-понг, ги зајакнуваат овие способности. Освен тоа, вежбањето го подобрува квалитетот на сонот, што овозможува подобрена меморија и развој на креативноста.
Вежбањето може да ви помогне да спиете подобро, но важно е да избегнувате интензивна активност пред спиење“, вели психијатарот д-р Мајк МекГрат.
Умереното вежбање исто така го намалува ризикот од отпорност на инсулин.
„Вежбањето го намалува ризикот од отпорност на инсулин и воспаление и го промовира растот на нови крвни садови и клетки во мозокот“, рече д-р Раби Кашути.
Покрај тоа, редовното вежбање промовира ослободување на хормони како допамин и серотонин, за кои д-р МекДауел објаснува дека создаваат позитивни чувства после вежбање и го намалуваат стресот.
„Според истражувањата, умереното вежбање може да го намали ризикот од когнитивно опаѓање за 38%“, вели д-р МекДауел.
Препорачува 150 до 180 минути умерена активност неделно или 75 до 150 минути вежбање со енергичен интензитет најмалку двапати неделно. Исто така, едноставните активности како одење може значително да го подобрат здравјето на мозокот, а најдобрите вежби се оние со кои ќе бидете доследни.
