Во синоќешната емисија Click Plus на TВ21, гости беа скопскиот градоначалник Петре Шилегов и Владимир Нелоски од ВМРО-ДПМНЕ. Една од темите беше и актуелната ситуација во која се наоѓа ФК Вардар.
„Би сакал јавно да го замолам градоначалникот Петре Шилегов, советниците на ВМРО-ДПМНЕ и на СДСМ да видат што можат да направат како Град Скопје за помош на фудбалскиот клуб Вардар”, рече Владимир Нелоски.
„11 години од мојот живот имам тренирано во ФК Вардар. Сум бил дел првата екипа, од младинските екипи, сум бил дел од екипата кога се соочувавме со најголеми проблеми и подоцна кога освоивме шампионска титула, токму затоа еден апел до сите надлежни органи да му помогнеме да се издигне над ситуацијата, бидејќи Вардар е симбол на градот Скопје и гордост на Република Македонија”, истакна Нелоски.
