Брејкденс дебитираше на Олимписките игри во Париз. Но, како што стојат работите ова ќе биде (барем засега) единствениот настап, бидејќи овој спорт нема да биде на олимписката програма за четири години во Лос Анџелес.
Секако, оваа одлука ги разочара натпреварувачите во популарниот брејк и оние кои му се приврзани на овој спорт.
„Знаевме уште пред почетокот на Игрите дека нема да биде во Лос Анџелес. Многу е разочарувачки, особено што не ни беше дадена ниту шанса да го покажеме спортот“, изјави австралиската натпреварувачка Рејчел Ган.
Но, наместо брејкденс, во Лос Анџелес ќе има пет нови спортови. Според правилата воведени од ИОК пред неколку години, секој град домаќин има право да вклучи неколку спортови во програмата, а Лос Анџелес се одлучи за крикет, фудбал со знаме, лакрос, сквош и бејзбол/софтбол.
Крикетот ќе биде вратен на олимписката програма за првпат по 1900 година, бејзболот беше на програмата од Барселона 1992 до Токио 2021 година, а останатите спортови на листата за прв пат ќе бидат на програмата на Игрите.
