Тренерот на Порто ги прозва собирачите на топки по испаѓањето од Лигата на шампионите.
Интер се пласираше во четвртфиналето на Лигата на шампионите по ремито со Порто во реванш натпреварот.
Во првиот, избраниците на Симоне Инѕаги победија со 1:0. Тренерот на Порто, Сержиу Консеисау беше нервозен цел натпревар, а по крајот на натпреварот реагираше неспортски. Инѕаги му подаде рака, а Португалецот само помина покрај него.
На прес-конференцијата тој рече дека Порто е подобриот тим и дека заслужува да продолжи понатаму. Тој, меѓу другото, ги критикуваше и собирачите на топки на стадионот „Драгау“. Според него, не реагирале доволно брзо кога играчите на Порто брзале да постигнат гол.
„Нашите собирачи на топки седеа во 85. минута додека нашите играчи мораа сами да ги вадат топките. Ако треба да се подобрам, ќе биде подобро во иднина“, рече Консеисау, чиј тим не постигна ниту еден гол на двата натпревара.
