Немирниот германски овчар Мејџор на брачниот пар Бајден наскоро повторно ќе ја напушти Белата куќа за да мине уште еден тренинг за кучиња, со цел подобро да се вклопи во функцијата на претседателско куче.
Мајкл Лароса, портпарол на првата дама Џил Бајден, рече дека Мејџор ќе мине низ дополнителна обука којашто ќе му помогне што поуспешно да се адаптира на животот во Белата куќа, а тренингот би требало да трае неколку недели.
Адаптирањето на животот во американската претседателска резиденција досега не беше едноставна за младиот и немирен германски овчар.
Претходно накратко беше вратен во семејниот дом во Делавер, откако гризна човек, вработен во Белата куќа.