На југозападниот дел од Тихиот океан се наоѓа Нов Зеланд, земја преполна со природни убавини и воодушевувачки пејсажи. Маорите ја нарекуваат оваа земја „Аотеароа“, што на нивниот јазик значи „Земја на долгиот бел облак“.
Нов Зеланд се протега низ површина од 268.021 квадратни метри и е најизолираната земја во светот. Оваа површина е дом на карактеристичен диверзитет на флора и фауна, а најзначајни се големиот број уникатни птици.
Во продолжение, десет интересни факти за Нов Зеланд:
- Нов Зеланд во минатото административно беше дел од Австралија.
- Киви на Нов Зеланд не е овошје, туку птица која живее исклучиво на ова подрачје, а е позната по тоа што не може да лета.
- Европејците го открија Нов Зеланд во 1642 година. Поточно, тоа го направи холандскиот морепловец Абел Тасман. Откако Маорите убија неколку членови на неговиот екипаж, тој ја напушти оваа земја.
- Кралицата Елизабета II официјално е и кралица на Нов Зеланд.
- Нов Зеланд е првата земја во светот каде истовремено три жени имаа клучна позиција во политиката. Премиерката Хелен Кларк, гувернерката Силвија Картрајт и државната судијка Сијан Елијас.
- Нов Зеланд е една од трите земји во светот кои имаат две химни. Едната е „God Save the Queen“ (химната на Велика Британија), а другата е „God Defend New Zealand“.
- Една од најголемите птици кои некогаш живееле на светот беше моа, која живееше во Нов Зеланд. Нејзината тежина била околу 300 килограми, а последната од нив умре пред 1.500 години.
- Кога Европејците го открија Нов Зеланд, целата негова територија била населена со домородскиот народ Маори.
- Медиумите во Нов Зеланд се помеѓу најслободните во светот, а геј браковите, проституцијата и борделите се легални.
- Првиот човек кој го освои Монт Еверест беше Новозеланѓанецот Едмунд Хилари. Неговото лице се наоѓа на банкнотата од пет новозеландски долари.
