Тирамису брауни е десерт кој комбинира чоколаден бисквит и специјален крем. Овој колач се подготвува многу брзо и лесно.
Необичната комбинација од два популарни десерти ќе го воодушеви домаќинството и гостите.
Потребни состојки:
- 230 гр путер
- 400 гр темно чоколадо (70% какао)
- 60 гр какао во прав
- 120 гр брашно
- 5 големи јајца
- 140 гр кафеав шеќер
- 200 гр гранулиран шеќер
- 1 лажичка сол
- 1 лажица екстракт од ванила
- 1 лажица инстант еспресо во прав
за еспресо кремот:
- 225 гр маскарпоне
- 240 мл слатка павлака (за шлаг)
- 50 гр ситна шеќер
- ¼ лажичка сол
- 1 лажица паста од ванила или ванилин шеќер
- 30 мл инстант еспресо во прав
Подготовка:
Загрејте ја рерната на 175 степени. Покријте го садот за печење со хартија за печење. Растопете го путерот во мало тенџере на тивок оган. Тргнете од оган и додадете крупно сечкано темно чоколадо. Растопете го чоколадото и оставете ја чоколадната смеса да се излади. Во помал сад просејте го брашното, еспресото во прав и какаото во прав. Оставете на страна.
Во друг сад измешајте ги јајцата, шеќерот, солта и ванилата. Мешајте на голема брзина 5 пет минути, додека смесата не се згусне и не стане светла. Во смесата со јајца полека додадете ја изладената чоколадна смеса. Додадете ја просеаната смеса од брашно, какао во прав и еспресо во прав. Истурете ја смесата во подготвениот сад и израмнете ја.
Печете додека површината не е малку испукана и мека на допир, околу 25 минути. Оставете да се излади целосно пред да го додадете еспресо кремот. За да го подготвите кремот, измешајте ги маскарпонето и слатката павлака во голем сад. Мешајте на средна брзина 30 секунди додека убаво не се соедини. Додадете шеќер, сол, ванила и еспресо во прав. Продолжете со мешање на средно-висока брзина околу 2 минути. Изладените брауни премачкајте ги со еспресо крем. Со сито посипете какао.
