Интервјуто на Меган Маркл и принцот Хари со американската водителка Опра Винфри привлече големо внимание од светската јавност, а реакциите не стивнуваа ниту во деновите по емитувањето.
Во меѓувреме, се појавија неемитувани извадоци од интервјуто, а голем број луѓе на Twitter тврдат дека овие делови биле намерно исфрлени за да се прикажат Меган и Хари во погрешно светло.
На прашањето дали членовите на кралското семејство треба да бидат подготвени да ја изгубат приватноста, Меган одговори: „Мислам дека секој има основно право на приватност. Основно. Не зборуваме за нешто што никој друг не би го очекувал“, рече таа.
„Ако имате фотографија од вашето дете на работното биро и некој од колегите ви рече: ‘Многу ти е симпатично детето. Може ли да ти го земам телефонот за да ги видам сите слики на твоето дете?', oдговорот е НЕ. Ова е фотографијата што сметам дека е во ред да ја споделам“, рече Меган, објаснувајќи дека ако споделите една фотографија од детето на социјалните мрежи, тоа не значи дека некој има право да го фотографира детето без дозвола.
„Нема никој на Instagram или социјалните медиуми да каже: ‘Бидејќи ја споделив оваа фотографија, тоа ти дава за право да ги добиеш сите фотографии снимени со мојата камера. Слободно разгледај ги’. Никој не би го сакал тоа. Значи, станува збор за граници ”, заклучи војвотката од Сасекс во одговорот што не беше емитуван.
Снимка од тој одговор беше објавена на Twitterи собра над 42.000 лајкови.
„Многу сум разочаран што ITV објави уредувана верзија на интервјуто. Овој клип ја прави Меган да изгледа нормално, затоа што е! Ова е смешно. ITV емитуваше уредена снимка што не им беше во прилог на Меган и Хари“, напиша корисникот кој ја сподели снимката.
ITV ја емитуваше истата верзија на интервјуто како CBS, а со оглед на тоа дека целото интервју траеше повеќе од три часа, имаше делови што требаше да се исечат.
„Во текот на уредувањето на овие три часа и 20 минути до еден час и 25 минути, му реков на мојот тим: ‘Најважното прашање на кое треба да се одговори и за што ќе биде оваа емисија е - зошто си заминаа“, објасни Опра за CBS.
