Репрезентативецот на Чиле и ѕвездата на Баерн од Минхен, Артуро Видал, ќе го пропушти остатокот од сезоната поради операција на коленото, потврдено е на официјалната страница на клубот.
Видал се повреди во неделата за време на тренинг, а откако помина медицински прегледи, беше заклучено дека еден дел од коската мора да му биде отстранет преку артроскопска операција.
Тренерот на Баварците, Јуп Хејнкес, кога Видал се повреди, изрази надеж дека Чилеанецот брзо ќе се врати на терените, а секако дека не беше очекувана информацијата дека Видал ќе отсуствува до крајот на сезоната.
Ова сигурно ќе биде голем хендикеп за Баерн, во однос на тоа дека во полуфиналето од Лигата на шампионите играат против Реал Мадрид, а набргу ќе играат и финале во Купот на Германија, каде се пласираа после победата над Баерн Леверкузен.
Видал во оваа сезона одигра вкупно 35 натпревари, а постигна шест погодоци и притоа додаде уште две асистенции.
Негово враќање на терените се очекува дури следната сезона, бидејќи Чиле не се пласираше на Светското првенство во Бразил.