Примерок од првата генерација смартфони на Apple iPhone беше продадена на аукција за 63.000 долари, што е околу 100 пати повеќе од првичната цена.
Мобилниот телефон беше продаден на аукција од страна на LCG Auctions, во кутија која никогаш не била отворена. Кога се појави на пазарот, првиот iPhone чинеше 599 долари, имаше екран од 3,5 инчи и камера од 2 MP, како и 4 и 8 GB внатрешна меморија. Можеше да се поврзе на интернет, а iTunes беше достапен за корисниците, но немаше продавница за апликации. Уредот користеше 2G мрежа и беше ексклузивен за AT&T.
Понудите почнаа да доаѓаат на почетокот на овој месец, првата беше 2.500 долари, а по уште 27 понуди достигна 65.000 долари. Идентитетот на купувачот не е објавен, но се знае дека живее во САД.
Што се однесува до историјата на мобилниот телефон, тој и припаѓал на козметичарката Карен Грин која го добила на подарок, но никогаш не го отворила. Кога се појави приказната за уредот во 2019 година, тој беше проценет на 5.000 долари.
Ајфонот на Apple го промени животот на милијарди луѓе ширум светот кога станува збор за комуникација, плаќање, водење бизнис, фотографирање и утринско будење, „уби“ бројни индустрии како што се производството на MP3 плеери, телефони на преклоп и камери, додека им даде живот на многу други.
Првиот iPhone беше претставен од тогашниот шеф на Apple, Стив Џобс, на годишниот саем Macworld во 2007 година.