Непријатните мириси од телото се проблем за четири од десет луѓе, покажа истражување од 2019 година, во кое учествувале 2.000 Британци.
Дури 30% од нив велат дека избегнуваат да разговараат со други поради страв од непријатни телесни мириси. Истражувањето покажало дека непријатните телесни мириси спречиле повеќето од третина испитаници да се прегрнат или да бидат интимни со некој.
И додека потењето или непријатниот мирис може да биде предизвикано со вежбање или од топлото време, постојат и медицински состојби кои можат да го предизвикаат.
Дијабетес
Кога се клетките лишени од енергија од гликоза, почнуваат да согоруваат масти. Овој процес создава кетони кои имаат тенденција да произведат мирис сличен на ацетон што може да се осети во здивот на човекот.
Заболување на црниот дроб
Лицето кое има тежок облик на болест на црниот дроб може да мириса. Велат дека овој мирис е сладок, а освен во здивот се чувствува и во урината.
Заболување на бубрези
Мирисот на телото понекогаш може да биде знак на болест на бубрезите. Medical News Today наведува дека оштетените бубрези не можат да филтрираат крв како што треба, а болест предизвикува концентрацијата на хемикалии во урината и телесниот мирис потсетува на амонијак.
Дисфункцијата на бубрези може да биде предизвикана и од високо ниво на бактерии и протеини во урината, што придонесува за непријатен мирис. Ако сте загрижени поради необичниот мирис на телото, обратете се на вашиот доктор, за да ви помогне да го идентификувате проблемот.
Како да се ослободите од непријатните телесни мириси?
Наједноставен лек е капењето или туширањето. Националната здравствена служба на Велика Британија препорачува миење на пазувите, препоните и стапалата со сапун најмалку двапати дневно и добро сушење,
По миењето потребно е да користите дезодоранс или антиперспирант. Ако проблемот и понатаму постои, побарајте лекарски совет.