На Антарктик моментално е лето, а по рекордно високите температури и топењето на глечерите, забележана е несекојдневна глетка, снег со црвена боја, пренесува Russia Today.
Украинска поларна станица на Антарктик забележа феномен за кој научниците имаат објаснување. Украинското Министерство за образование и наука на Facebook објави несекојдневни фотографии: црвени и розови траги над глечери и замрзнати рамници. Всушност, станува збор за морска трева со слој од црвен каротен, познат како Chlamydomonas Nivalis.
Алгите успеваат во ледена вода и зимата во мирување на снегот и ледот. Кога доаѓа лето и снегот се топи алгите цутат и се размножуваат, ширејќи црвени спори како цвеќиња. Овој феномен е познат како „крвав снег“.
Според украинските истражувачи овие цветови можат да започнат повратен круг на загревање и топење.
„Снежните цветови придонесуваат за климатски промени. Поради црвената боја снегот ја одбива сончевата светлина и побрзо се топи. Како последица на тоа се создаваат сè повеќе светли алги“, стои во објавата на тимот.
Колку повеќе топлина апсорбираат алгите, побрзо се топи снегот. Колку повеќе се топи снегот алгите побрзо се шират. Тоа потоа доведува до повеќе загревање, топење и повеќе цутење на алгите.
