Најавена е втора сезона на „Ginny & Georgie“, серија на Netflix чија прва сезона ја гледаа 52 милиони луѓе.
Веста за втората сезона по само неколку часа од објавувањето ја погледнаа над милион луѓе и израдува скоро половина милион обожаватели.
„Едвај чекаме. Многу сме возбудени, кога, каде?“, се дел од коментарите на гледачите на социјалните мрежи по објавувањето на веста.
„Ginny & Georgia“ урна рекорд на Netflix, којшто скоро една година го држеше мегапопуларниот документарец „Tiger King“. Ниту една серија никогаш толку долго не доминирала на Топ 10 листата на Netflix како оваа.
Тинејџерската драма за мајка и ќерка повеќе од 28 дена беше на врвот на листата најпопуларни содржини на Netflix, додека „Tiger King“ тоа место го држеше 27 дена.
На почетокот од прикажувањето серијата не предизвика толку внимание, но подоцна ситуацијата се промени. Приказната во серијата предизвика поделени реакции, додека некои се одушевени, според други не е нешто повеќе од „телевизиска сапуница“.