Новиот филм со тематика од нордиската митологија е норвешка изработка и на норвешки јазик.
Длабоко во планините Довре во Норвешка експлозија ќе разбуди нешто огромно по илјада години заробеништво. Уништувајќи сѐ што ќе му се најде на патот, суштеството брзо се наближува до норвешката престолнина Осло. Жителите на градот се борат да спречат да им дојде дома она за што одамна верувале дека постои само во нивната митологија, а градските власти ангажираат еден бестрашен палеонтолог кој треба да го спречи суштеството познато како трол.
Оваа акциона фантазија е дело на режисерот познат по „Tomb Raider“ и „The Wave“ - Роар Утхауг, кој е и коавтор на сценариото заедно со Еспен Аукан. Во главните улоги се Ине Марие Вилман (од „War Sailor“), Ким Фалк и Мадс Сјегор Петерсен.
Филмот ќе биде премиерно прикажан на Netflix платформата на 1 декември.
