Сите знаат дека Арнолд Шварценегер е еден од најпознатите бодибилдери, актери и политичари, но колку добро ја знаете неговата приказна?
Доколку ве интересира, Netflix наскоро ќе објави документарен филм за животот на Шварценегер насловен Arnold.
Документарниот филм, во кој наратор е самиот Шварценегер, ги прикажува трите главни поглавја од неговиот живот. Ќе имаме шанса да ги дознаеме деталите за неговото патување од село во Австрија до американскиот сон.
„Во серија искрени интервјуа, Шварценегер, неговите пријатели, непријатели, колеги и набљудувачи покриваат сè, од деновите кога билдаше мускули до триумфите во Холивуд и времето кога беше гувернер на Калифорнија. Ќе ги видиме и радостите и турбуленциите на неговиот семеен живот во приказна која одговара на неговата монументална личност“, стои во официјалниот опис на документарецот.
Режисер на Arnold е Лесли Чилкот, а извршен продуцент Ален Хјуз. Премиерата на Netflix е на 7 јуни, а трејлерот можете да го погледнете подолу.