Филм & ТВ

Netflix откри како требаше да изгледаат чудовиштата од „Bird Box“

11. јануари 2019 - 17:07 | К.З.

Откако започна оваа година, главна тема на разговор во филмскиот свет е новиот хорор на Netflix наречен „Bird Box“. Во него, главните ликови носат превез преку очите за да не ги гледаат чудовиштата кои ги наведуваат на самоубиство, но гледачот не добива шанса една шанса да ги види тие чудовишта.

Сега, откако Netflix откри како истите требало да изгледаат, можеби е и подобро што никогаш не се појавија во филмот.

Главниот лик во филмот го толкува Сандра Булок, а таа вели дека наместо да биде уплашена, дизајнот на чудовиштата ја довел до смеа. Таа дури ги опиша чудовиштата како „долги, дебели бебиња“. Режисерката Сузан Биер изјави дека откако ја видела реакцијата на актерите, решила целосно да ги исфрли монструмите од филмот.

„Многу брзо станува смешно. Всушност снимивме неколку сцени и подолго време планиравме да ги оставиме во филмот, но секојпат кога ќе ги погледнев се премислував“, вели Сузан Биер.

Студиото SFX Atlas стои зад дизајнот на чудовиштата. Претставници на ова студио рекоа дека им е жал што нивните нацрти и целата напорна работа биле за џабе, но сепак решија да ѝ покажат на јавноста како изгледаат чудовиштата од „Bird Box“.

Netflix исто така објави дека во првата недела од прикажувањето „Bird Box“ го гледале преку 45 милиони луѓе, но според мерењето на статистичката компанија Nielsen бројката е значително помала – околу 30 милиони луѓе.

Коментирај