Netflix, еден од најпопуларните светски стриминг сервиси ја објави својата заработка за првиот квартал од 2020 година.
Податоците за приходите на Netflix ги објави CNBC. Приходот на оваа компанија во првите три месеци од 2020 година изнесува 5,77 милијарди долари што е за 1,25 милијарди повеќе во споредба со првиот квартал од 2019 година, и 300 милиони повеќе во споредба со четвртиот квартал од 2019 година.
Луѓето се принудени да останат дома поради пандемијата со новиот коронавирус, па имаат време да гледаат филмови и серии.
Стручњаците предвидуваа дека Netflix би можел да добие дополнителни 775.000 претплатници во САД и Канада и 7,2 милиони претплатници од останатите делови од светот.
Сепак, Netflix пријави раст од 15,77 милиони претплатници. Станува збор за најголемиот квартален раст во историјата на компанијата.
