Свет

Неуреден и откачен: Што правел Асанж во еквадорската амбасада?

20. април 2019 - 15:06 | А.С.

Основачот на Викиликс Џулијан Асанж помина 6 години и 10 месеци во еквадорската амбасада во Лондон каде доби политички азил.

Лондонската полиција го уапси на 11 март годинава.

Во периодот додека живееше во амбасадата, Асанж развил чудно однесување и станал, како што кажуваат многумина од вработените таму, прилично откачен и неуреден.

По апсењето се појавија неколку снимки од безбедносните камери во амбасадата на кои се гледа што правел Асанж во заточеништво.

Прво се појави снимката на која вози скејтборд низ амбасадата, а сега можеме да видиме и кои биле другите негови активности за рекреација.

Тој „вежбал кунг фу“, а според снимката прави чудни движења со рацете, шета низ тесната кујна, скока во место и „шизи“ додека готви.

 

 

Во официјалното соопштение од лондонската полиција стои дека Асанж е уапсен бидејќи не се предал на судот и поради тоа е однесен во полициска станица. Полицијата се јавила во амбасадата на Еквадор откако му бил укинат азилот.

Асанж (47) живееше во амбасадата на Еквадор од јуни, 2012 година за да не биде испорачан во Шведска каде се товари за силување и сексуално вознемирување. Тој ги негира овие обвиненија.

На Асанж одамна му се заканува апсење бидејќи во 2012 година ја прекрши условната казна. Освен обвинијата во Шведска, против него има отворено истрага и во САД, за недозволено објавување на илјадници страници доверливи разговори и преписки на дипломати, како и тајни воени документи.

Коментирај