Во мисија со висок ризик, за која ќе бидат потребни околу пет години, НАСА сака да слета тим на астронаути на Марс по 2030 година, кои ќе создадат кислород на Црвената планета.
За да се одржи мисијата функционална, нема да има доволно залихи со кислород кои и се зеле од Земјата, но НАСА планира да го реши проблемот со користење на системот MOXIE, експериментален проект за создавање кислород на планетата Марс.
Овој систем е во тест фаза на роверот што слета на Марс во јули. Роверот содржи уред што го претвора јаглерод диоксидот, кој сочинува 96 проценти од атмосферата на Црвената планета, во кислород, пренесува CNN. Во атмосферата на Марс има само 0,13 проценти кислород, во споредба со 21 процент во атмосферата на Земјата.
MOXIE е уред што прави кислород како дрвјата – го привлекува воздухот на Марс и електрохемискиот процес одделува два атома на кислород од секоја молекула на јаглерод диоксид.
Научниците од Универзитетот Сент Луис во Вашингтон изјавија дека можеби пронашле друга техника што може да биде додаток на овој систем.
Постои можност замрзнатите езера на Марс да се користат за производство на кислород, бидејќи се верува дека таму има солен раствор.
„Присуството на солен раствор е случајно, бидејќи ја намалува точката на замрзнување на водата. Идејата е да се земе солена вода и да се електролизира. Со нашиот процес водата би се делела на водород и кислород“, рече Виџај Рамани, креатор на идејата на Универзитетот во Вашингтон.