УЕФА ЕУРО 2024 ГЕРМАНИЈА

Неверојатен потег: Грузиец одби да игра на ЕУРО за да оди како навивач

Филип Здравески
/ 13.06.2024 / 13:24

Ја однесе Грузија на Европското првенство, па одлучи да го одбие повикот на селекторот и да оди во Германија како навивач.

Џаба Канкава е името на грузискиот фудбалер за кој светот слушна откако се пензионираше. Наместо како Тони Крос и како нашиот Горан Пандев пензијата да ја прослави со настап на ЕУРО, тој се реши за неверојатен потег - да се пензионира пред турнирот.

Играчот од дефанзивната средина има 101 настап за Грузија и 10 постигнати голови. Во март наполни 38 години, а еднаш веќе се повлече од репрезентацијата во 2022 година, но потоа се премисли за да ѝ помогне на Грузија во квалификациите за ЕУРО 2024. Грузија со него во тимот го оствари сонот, избори пласман на ЕУРО преку баражите од Лига на нации.

Кога дојде ред селекторот Вили Сањол да го објави списокот на патници за ЕУРО 2024, на него се најде и Џаба Канкава. Но, само два дена подоцна Канкава се јави со одлука дека се повлекува од репрезентацијата и во Германија ќе патува, ама како навивач.

„Сакам нашата селекција да оствари што е можно подобар резултат во Германија и уште еднаш да слави со грузиските навивачи, како што беше на 26 март во Тбилиси. Драго ми е што бев со тимот во полуфиналето и финалето на плеј-офот и станав учесник во оваа историска победа“.

„Сепак, би сакал да ви кажам за мојата одлука што ја донесов по мартовските натпревари: во случај на повик за ЕУРО. На првенството би отишол не како играч, туку како обичен навивач“, шокираше Канкава.

„Би сакал многу да му се заблагодарам на стручниот штаб за довербата што ми ја укажа во март, кога главната цел беше да бидеме заедно и да стигнеме до историскиот пласман. Благодарен сум и за довербата што ја заработив и сега, како од стручниот штаб, така и од навивачите, од кои чувствувам голема поддршка“.

„Јас како навивач ќе навивам за репрезентацијата во Германија и им посакувам успех на 26-те играчи кои ќе се обидат да го бранат името на Грузија на стадионите ширум Германија“, напиша Канкава во својата објава на Instagram, која ја пренесе и Фудбалската федерација на Грузија.

 
 
 
 
 
 
 
 
 
 
 
 
 
 
 

A post shared by Jaba Kankava (@jabakankava)

Канкава сѐ уште не најави дали целосно се повлекува од фудбалот или само од репрезентацијата. Од 2021 година на клупски план настапува за Слован од Братислава.

Инаку, Канкава дури 62 пати ја носеше капитенската ленка настапувајќи за Грузија, а ја предводеше својата репрезентација и во баражот кога Македонија избори пласман на ЕУРО 2020.

Дуел на капитените Пандев и Канкава во баражот за ЕУРО 2020
реклама

Фудбал

Милан го потврди трансферот на Мората

Read more

Манчестер Сити го доби првото засилување

Read more

Импресионираше на ЕУРО, Барселона поради него зема нов кредит

Read more

Шпанците избраа 11 стадиони за Светското првенство

Read more
 

Спорт

Тајсон: Зависник сум, повеќе би сакал да живеам краток живот во слава, отколку долг живот во „мрак“

Читај повеќе

Милан го потврди трансферот на Мората

Читај повеќе
  • play_arrow

Манчестер Сити го доби првото засилување

Читај повеќе

Хамилтон за Шумахер откако се изјасни дека е геј: Испрати позитивна порака

Читај повеќе

Импресионираше на ЕУРО, Барселона поради него зема нов кредит

Читај повеќе
  • play_arrow

Шпанците избраа 11 стадиони за Светското првенство

Читај повеќе

Дали Ракитиќ избега од Саудиска Арабија?

Читај повеќе

Синот на Ибра го потпиша првиот професионален договор со Милан

Читај повеќе

Атаман до Бостон: Кога ќе го победите Панатинаикос, тогаш ќе бидете светски шампиони

Читај повеќе