Фудбалерите на Борац од Бања Лука синоќа доживеаја несреќен пораз од Ференцварош во реваншот од квалификацискиот плеј-оф за пласман во Лига Европа, а клучен детаљ беше моментот на деконцентрација на голманот Филип Манојловиќ во продолжението.
Отккао натпореварот заврши без голови, исто како и првиот во Унгарија, Борац дојде до водство од 1:0 на стартот од продолжението и беше на минути од историски успех и пласман во групната фаза од Лига Европа.
Но, клучниот момент се случи во 110. минута од натпреварот. Голманот Филип Манојловиќ, кој до тој момент бранеше одлично, направи глупава грешка која скапо го чинеше клубот од Бања Лука.
Наместо да ја фати топката со раце при рутинска интервенција, голманот тргна со нога и отворен ѓон кон противникот и топката. Топката ја промаши, но го погоди гостинскиот играч, па судијата со жолт картон во раката оправдано покажа на белата точка.
Сигурен реализатор од белата точка беше Барнабас Варга и така Ференцварош израмни и го одведе натпреварот во пенали. Таму унгарскиот тим се снајде подобро и се пласираше во групната фаза од Европската лига откако тројца играчи на Борац своите пенали ги испратија високо над пречката. Меѓу нив беше и поранешниот играч на Работнички и македонски зет, Колумбиецот Себастиан Ерера Кардона, кој шутираше прв.
Инаку, на клупата на борац беше и македонбскиот голман дамјан Шишковски, кој летово пристигна во овој клуб. На почетокот бранеше, но потоа дојде Манојловиќ и му го зеде местото.
Од друга страна, Борац сепак ќе игра во групната фаза, но во Конференциската лига, што секако е историски успех за овој клуб.
