Шпанија е зафатена од снежна бура поради што патиштата се блокирани, а властите во Мадрид ги повикаа локалните жители да не ги напуштат домовите, освен во случај на итност.
Големи проблеми имаат и комуналните служби во Мадрид при расчистување на главните сообраќајници.
Во текот на изминатиот викенд се случија голем број сообраќајки поради снегот. И покрај сите проблеми од снежниот нанос, жителите на Мадрид на најдобар начин го искористија снегот, уживајќи во најразлични активности.
На социјалните мрежи се објавени видеа и фотографии од санкања, скијање, лизгање по улиците, а најрадосни се секако најмалите кои ја покажаа нивната креативност правејќи различни снежни фигури.
Со снег е затрупан и стадионот Сантијаго Бернабеу, како и помошниот стадион.
Мадрид за првпат е покриен со снег по 61 година, а луѓето се навистина креативни.
Моментално, во Мадрид најпопуларна активност е тепачка со снежни топки.