Ноќеска се одиграа шест натпревари низ терените во НБА, а највозбудливиот натпревар му припадна на Далас Маверикс кој славеше против Бостон Селтикс со резултат од 107:104.
Неверојатниот Лука Дончиќ продолжи да игра фантастична кошарка и го предводеше својот Далас до триумф. Словенечкиот кошаркар со звукот на сирената погоди тројка за голем триумф.
Далас имаше дури 19 поени предност на овој меч, но Бостон се врати во последниот натпревар и направи голем пресврт. На две минути до крајот гостите поведоа со два разлика (102:104), но потоа на сцена стапи Дончиќ и со тројка во последната секунда му донесе победа на домаќинот.
Дончиќ постигна вкупно 33 поени, 9 скока и 5 асистенции, а го следеше Кристапс Порзињгис со 21 поен. Кај гостите Џејсон Тејтум постигна 32 поена.
Одлична партија приреди Никола Јокиќ во триумфот на Денвер над Хјустон со резултат 95:94. Српскиот кошаркар постигна 28 поени и 14 скока и со тоа го доведе својот тим до триумф во многу возбудлива завршница.
Денвер Нагетс - Хјустон Рокитс 95:94
Мајами Хит - Јута Џез 118:115
Чикаго Булс - Филаделфија 76ерс 105:114
Далас Маверикс - Бостон Селтикс 107:104
Феникс Санс - Атланта Хокс 121:117
Портланд Треил Блејзерс - Лос Анџелес Лејкерс 105:90