Шведскиот атлетичар Арман Дуплантис по шести пат постави нов светски рекорд во скок со стап со скок од 6,22 метри на натпревар во Клермон-Феран, Франција.
Дуплантис го држеше рекордот со скок од 6,21 метри, кој го постави на минатогодишното Светско првенство во Јуџин, САД.
Еден од најдобрите атлетичари во светот во третиот обид на Ол-стар средбата во Клермон-Феран прескокна 6,22 метри на воодушевување на 4.000 гледачи во салата.
Дваесет и тригодишниот Дуплантис го собори светскиот рекорд по шести пат.
Првпат сруши рекорд во Торун, Полска пред три години кога прескокна 6,17 метри и оттогаш секојпат поставува нови рекорди надминувајќи се за еден сантиметар.
