Било кој вљубеник на оваа марка автомобили знае дека S класата владее во групата на луксузни автомобили и сите други авто-производители се генерации назад кога станува збор за идејното решение на ентериерот.
Новите футуристички помагала на овој седан вбројуваат автоматска помош при управувања, ненадејн сопирање, асистирање при престројување и конрола на активната оддалеченост (Active Distance Control DISTRONIC).
Тоа значи дека автомобилот автоматски ја приспособува брзината со брзината на автомобилот пред него, се престројува при вклучувањето на трепкачот и препознава знаци на патот, автоматски ја приспособува брзината согласно правилата на патот и сопира доколку почувствува дека сте заспале.
Новиот GPS ја намалува брзината при остри свиоци кои возачот не може да ги предвиди, но автомобилот ги забележува на мапата. Новата S-класа ќе ја приспособи брзината и кога ќе треба да се исклучите од автопатот под услов излезот да постои на траекторијата по која се движите.
Сево ова доаѓа во комбинација со скенер за нерамнини на патот и приспособување на тркалата за ублажен и стабилизиран помин се до брзина од 112 км/ч и приспособливата суспензија на тркалата во свиоците за помалку да се чувствуваат.
Автомобилот доаѓа со шест wellness програми за музика, амбиентално осветлување и климатизација на внатрешноста за зголемен и луксузен комфор во зависност кој пакет ќе го одберете. Секој патник си има дисплеј на кој може да гледа филмови, а сите команди се наоѓаат на воланот.