Жрепката за квалификациските групи за Светското првенство во Канада, САД и Мексико, во која ќе биде и репрезентацијата на Македонија, ќе се одржи на 13 декември, но за прв пат во историјата жрепката ќе се изврши онлајн.
Според The Guardian, Саудиска Арабија ќе биде потврдена како домаќин на Светското првенство во 2034 година со акламација на Вонреден конгрес на ФИФА, кој ќе се одржи онлајн на 11 декември, додека британскиот весник дознава дека жрепката за европските квалификации за Мундијалот 2026 ќе се одржат два дена подоцна, исто така, онлајн.
Причината за овој невиден потег е тоа што првиот човек на ФИФА сака да избегне секакво преиспитување на контроверзната одлука за доделување на организацијата на Мундијалот 2034 на Саудиска Арабија без гласање, како и организацијата на Светското клупско првенство следната година.
Жрепката за мундијалските квалификации традиционално е голем настан, но овојпат тоа нема да биде случај. Неколку национални асоцијации веќе изразија изненадување од одлуката на ФИФА, а во изменетиот квалификациски формат 55-те репрезентации на Европа ќе бидат извлечени во 7 групи од по 5 репрезентации и 5 групи по 4.
Тимовите поделени во групи од 5 ќе започнат со квалификациите во март, додека помалите групи ќе го започнат натпреварувањето дури во септември 2025 година.
Дванаесет победници во групите автоматски ќе се квалификуваат за Светското првенство со 48 екипи во САД, додека сите второпласирани ќе играат бараж заедно со четирите најдобри тимови од Лигата на нации кои не обезбедиле пласман или бараж преку квалификациите.
Барабаните за квалификациската ждрепка ќе бидат одредени кога ќе се одигра последниот натпревар од Лигата на нации, но веќе е извесно дека „Рисовите“ ќе бидат сместени во третиот барабан.
